ulan

malimit masama ang konotasyon sa ulan. hinahalintulad ito sa mga problema o suliranin. hindi nga ba't ang unos o bagyo ay konotasyon ng isang matinding problema. ang pagdating ni milenyo ay isa sa may pinakalamaking pinsala sa mga bagyong naranasan ko sa aking buong buhay.

kasalukuyan akong nasa opisina noong kasagsagan ng bagyo. nakikita namin mula sa ika-4 na palapag ng aming opisina kung gaano kalakas ang hangin. ang mga puno sa paligid ay nabungkal na at nagsibagsakan sa mga kotse ng aking kapwa empleyado.

gayunpaman, masaya para sa akin ang ulan. napapawi nito ang init sa katawan. atatandaan ko kung gaano ako kalimit maligo sa ulan nung ako'y bata pa. ang sarap sarap sa pakiramdam. lalo na kung may kasama ka at sabay kayong nababasa.

haaay kay saya tlgang maligo sa ulan. diba romantic din yun?! hahahahaha! wala lang. wala tlga akong punto. sa umpisa lang mukang meron pero wala! WALA! WALA! sige yun lang. iniengganyo ko lamang kayong maligo sa ulan kasama ng inyong minamahal kasi mukha siyang masaya! =)